एजेन्सी । युरोपेली युनियनबाट सम्बन्धविच्छेदका लागि थप तीन महिना लम्ब्याउने प्रस्ताव बेलायत संसदद्वारा बहुमतले पारित भएको छ ।
योसँगै अब बेलायतले इयुलाई ब्रेक्जिटका लागि थप तिन महिनाको समयका लागि आग्रह गर्ने बीबीसीले जनाएको छ ।
आगामी जुन ३० सम्मका लागि समय माग गर्ने प्रधानमन्त्री मेको तयारी छ ।
ब्रेक्जिट सहमति प्रस्ताव संसदमा पेश गर्ने योजनामा रहेकी प्रधानमन्त्रीले फेरी पनि प्रस्ताव अस्विकार भए समयसिमा अझै लम्बाउने बताएकी हुन् ।
युरोपेली युनियनका २७ राष्ट्रसँग समय थप्न आग्रह गर्ने बीबीसीले उल्लेख गरेको छ भने बिना सम्झौता ब्रेक्जिट हुन नदिने प्रधानमन्त्री मेको प्रयास छ ।
यो खबर पढेर तपाईलाई कस्तो महसुस भयो ?
प्रतिक्रिया