मोरङ । संघीय समाजवादी फोरम नेपालका संयोजक उपेन्द्र यादवले सरकारबाट तत्काल बाहिरिने कुरा नभएको बताएका छन् ।
उपप्रधान एवं स्वास्थ्य तथा जनसंख्यामन्त्री यादवले आइतवार दिउँसो विराटनगर विमानस्थलमा सञ्चारकर्मीसँग कुरा गर्दै सो कुरा बताएका हुन् ।
पार्टीले वर्तमान सरकार छाड्ने सम्बन्धमा कुनै सोच नबनाएकाले आफ्नो पार्टी सरकारमै बसेर काम गर्ने समेत बताए ।
राष्ट्रिय जनता पार्टी (राजपा) नेपालले एकता प्रक्रिया अगाडी बढाउन सरकार छाड्नु पर्ने एक मात्र शर्त संघीय समाजवादी फोरम नेपाल सामु राखेको छ ।
तर, उपप्रधानमन्त्री यादवले राजपा संघीय सरकारमा नरहेकाले समर्थन फिर्ता लिनुको कुनै अर्थ नरहेको बताए ।
यो खबर पढेर तपाईलाई कस्तो महसुस भयो ?
प्रतिक्रिया