काठमाडौं । काठमाडौंको टोखामा पनि बर्डफ्लुको संक्रमण देखिएको छ ।
यस अघि तारकेश्वर नगरपालिकामा बर्डफ्लुको संक्रमण देखिएपछि उच्च सर्तकर्ता अपनाइएसँगै टोखामा पनि बर्डफ्लुको संक्रमण देखा परेको हो ।
तारकेश्वर ७ स्थित सागर र आकाश पोल्ट्री फार्ममा रहेको कुखुरामा बर्डफ्लुको संक्रमण देखिएपछि करीब २८ हजारको संख्यामा कुखुरा नष्ट गरेको पशु सेवा विभाग अन्तर्गतको पशु क्वारेन्टाइनका उप महानिर्देशक सम्झना कुमारी काफ्लेले जानकारी दिए ।
उपमहानिर्देशक काफ्लेका अनुसार संक्रमण देखिएको स्थान वरिपरि बर्डफ्लु संकटग्रस्त क्षेत्र घोषणा गरिएको छ । विभागका महानिर्देशकको अध्यक्षतामा बनेको समन्वय समितिले सो स्थानको निरीक्षण गरेर पन्क्षी र पन्क्षीजन्य पदार्थ नष्ट गरिसकेको उप महानिर्देशक काफ्लेको भनाइ छ ।
यसअघि हेटौँडामा पनि बर्डफ्लु भेटिएको थियो । हेटौँडामा करिब २१ हजार कुखुरा नष्ट गरिएको थियो ।
यो खबर पढेर तपाईलाई कस्तो महसुस भयो ?
प्रतिक्रिया