काठमाडौं । आईसीसी टी-२० विश्वकप एसिया छनोटअन्तर्गत समूह ‘ए’को दोस्रो खेलमा नेपालले आज मलेसियाबीचको खेल जारी रहेको छ । जारी खेलमा टस जितेर ब्याटिङ गरिरहेको मलेसियाको पहिलो विकेट पतन भएको छ ।
मलेसियाको पहिलो विकेटका रुपमा नेपालका बलर अभिनाष बोहोराले विकेट लिएका हुन् । मलेसियाले ५.५ ओभरमा एक विकेट गुमाएर ५८ रन जोडेको छ ।
सोमबारदेखि नेपालमा सुरु भएको टी-२० विश्वकप एसिया छनोटअन्तर्गत पहिलो खेलमा सिंगापुरविरुद्ध सहज जित निकालेको नेपालले मलेसियालाई हराएर सेमिफाइनल पुग्ने दाउमा छ ।
८ टोली सहभागी छनोटमा दुवै समूहबाट शीर्ष दुई टोली सेमिफाइनल पुग्नेछन् भने सेमिफाइनल पुग्ने दुई टोली अर्को वर्ष वेष्ट इन्डिज र अमेरिकामा हुने टी-२० विश्वकपमा छनोट हुन्छन् ।
यो खबर पढेर तपाईलाई कस्तो महसुस भयो ?
प्रतिक्रिया