गुलसनले दिलाए नेपाललाई अर्को सफलता

काठमाडौं । आईसीसी टी–२० विश्वकप एसिया छनोटअन्तर्गत समूह ‘ए’को दोस्रो खेलमा नेपालले आज मलेसियाबीचको खेल जारी रहेको छ । जारी खेलमा टस जितेर ब्याटिङ गरिरहेको मलेसियाको पाँचौँ विकेट पतन भएको छ ।

गुलसनले मलेसियाको पाँचौँ विकेट लिएका हुन् । त्यस्तै गुलसनकै बलमा १५.३ ओभरमा मलेसियाले आफ्नो छैटौ विकेट गुमाएको हो । मलेसियाले १५.३ ओभरमा ६ विकेट गुमाएर १२८ रन जोडेको छ ।

सोमबारदेखि नेपालमा सुरु भएको टी–२० विश्वकप एसिया छनोटअन्तर्गत पहिलो खेलमा सिंगापुरविरुद्ध सहज जित निकालेको नेपालले मलेसियालाई हराएर सेमिफाइनल पुग्ने दाउमा छ ।

८ टोली सहभागी छनोटमा दुवै समूहबाट शीर्ष दुई टोली सेमिफाइनल पुग्नेछन् भने सेमिफाइनल पुग्ने दुई टोली अर्को वर्ष वेष्ट इन्डिज र अमेरिकामा हुने टी–२० विश्वकपमा छनोट हुन्छन् ।