एजेन्सी । म्यान्चेस्टर युनाइटेडका मिडफिल्डर पल पोग्वाले स्पेनी रियल म्याड्रिडबाट खेल खेल्ने सपना रहेको बताएका छन् ।
अन्तर्राष्ट्रिय सञ्चार माध्यम ‘बीबीसी’सँग कुरा गर्दै उनले सो कुरा बताएका हुन् । ‘मेरो सपना भनेको रियल म्याड्रिडबाट खेल खेल्नु रहेको छ , तर, म अहिले म्यान्चेस्टर युनाइटेडमा पनि खुशी नै छु, त्यहाँ नयाँ प्रशिक्षकसँग खेल खेल्न पाएको छु’, उनले बताए ।
साथै उनले सबै खेलाडीको उत्कृष्ट क्लबमा खेल खेल्नु सपना भएको पनि बताए ।
पोग्बा युरो कप फुटबलको छनोटका खेलको लागि फ्रान्सको राष्ट्रिय टिममा परेका छन् । फ्रान्सले शुक्रवार माल्डोभा र आउँदो सोमवार आइसल्याण्डको सामना गर्दैछ ।
फ्रान्सले सन् २०१८ को विश्वकप फुटबलको उपाधि उचाल्दा पोग्बा पनि एक महत्वपूर्ण खेलाडी थिए । उनले अहिलेसम्म राष्ट्रिय टिमबाट ६४ खेल खेल्दै १० गोल गरिसकेका छन् ।
यो खबर पढेर तपाईलाई कस्तो महसुस भयो ?
प्रतिक्रिया