‘साम्बा’ बनिन् नेपालको दोस्रो सर्वाधिक गोलकर्ता, जमुना गुरुङको रेकर्ड ब्रेक

काठमाडौं । नेपाली राष्ट्रिय महिला फुटबल टिमकी महत्वपूर्ण खेलाडी साबित्रा भण्डारी ‘साम्बा’ले पुर्व खेलाडी जमुनाको रेकर्ड तोड्न सफल भएकी छिन् । 

स्ट्राइकर साम्बाले पूर्व कप्तान समेत रहेकी जमुना गुरुङको नाममा रहेको रेकर्ड तोडेकी हुन् । यो सँगै साम्बा नेपालका लागि सर्वाधिक गोल गर्ने दोस्रो खेलाडी समेत बनेकी छिन् । भारतविरुद्धको फाइनल खेल खेल्ने क्रममा गोल गर्दै उनी नेपालको सर्वाधिक दोस्रो गोलकर्ता बनेकी हुन् ।

साफ च्याम्पियनसिपमा ४ गोल गरेकी उनले अन्तर्राष्ट्रिय गोल संख्या २६ बनाएकी छिन् । जमुनाको २५ गोलको रेकर्ड थियो । त्यस्तै अनु लामाको नाममा भने ३५ गोलको रेकर्ड रहेको छ ।