एजेन्सी । क्यानडाका डेनिस सापोभालोप जारी मायामी ओपन टेनिसको क्वाटरफाइनलमा प्रवेश गरेका छन् ।
बुधवार सम्पन्न भएको पुरुष एकलतर्फको प्रि-क्वाटरफाइनल खेलमा उनले ग्रिसका स्टेफानेक सित्सीपासलाई २-१ को प्रतिस्पर्धात्मक सेटमा पराजित गर्दै अन्तिम आठको स्थान सुरक्षित गरे ।
सापोभालोपले खेलको पहिलो सेट भने गुमाएका थिए । उनी पहिलो सेमाट ६-४ ले पराजित भए । तर, त्यसपछिका बाँकी सेटमा उत्कृष्ट पुनरागमण गर्दै खेल आफ्नो पक्षमा पारे ।
खेलको दोस्रो सेट ६-३ ले तथा अन्तिम तगा निर्णायक सेट ७-६ ले जिते ।
त्यस्तै मंगलवार राति सम्पन्न भएका खेलमा सर्बियाली नोभाक जोकोभिच स्पेनी रोबेर्टो बौटिस्टासँग २-१ को सेटमा तथा बेलायती केल एडमुण्ड अमेरिकी जोन इस्नरसँग २-० को सोझो सेटमा पराजित हुँदै प्रतियोगिताबाट बाहिरिएका छन् ।
यो खबर पढेर तपाईलाई कस्तो महसुस भयो ?
प्रतिक्रिया