काठमाडौं । देशका विभिन्न स्थानमा ७ जना मृत अवस्थामा फेला परेका छन् ।
काठमाडौं महानगरपालिका–१५ सानो भ-याङमा काभ्रे पाँचखल घर भएका २६ वर्षीय त्रिपाठी भनिने रबिन अधिकारी बुधबार मृत अवस्थामा फेला परेका हुन् ।
यसैगरी गोकर्णेश्वर नगरपालिका–८ डेरा गरी बस्ने मकवानपुर गडी नगरपालिका–९ घर भएका ३८ वर्षीय प्रेम कुमार भुजेल र सोही नगरपालिका–८ माकलबारी डेरा गरी बस्ने सर्लाही ईश्वरपुर नगरपालिका–३ घर भएका २८ वर्षीय संगम पोख्रेल आ–आफ्नै कोठामा बुधबार मृत अवस्थामा फेला परेका हो ।
उदयपुर, त्रियुगा नगरपालिका–५ श्रीपुर बस्ने ३२ वर्षीय प्रदिप वाग्ले आफ्नै घरमा बुधबार मृत अवस्थामा फेला परेका छन् ।
रूकुम पश्चिम, चौरजहारी नगरपालिका–५ भाग्रि बस्ने ७८ वर्षीय राम बहादुर सार्की सोही ठाउँस्थित सिचाई कुलोमा बुधबार मृत अवस्थामा फेला परेका छन् ।
त्यस्तै रूकुम पश्चिम, आठबिसकोट नगरपालिका–१३ घेत्मास्थित गुहे खोलामा सोही ठाउँ बस्ने ४६ वर्षीय मोति राम बुधबार मृत अवस्थामा फेला परेका हुन् ।
सिरहा, नवराजपुर गाउँपालिका–३ मेनहामा पहिचान नखुलेको अन्दाजी ५५ वर्षीय महिला बुधबार मृत अवस्थामा फेला परेकी छिन् ।
सबै घटनाका सम्बन्धमा प्रहरीले आवश्यक अनुसन्धान गरिरहेको जनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया