काठमाडौं । बरिष्ठ न्यूरोलोजिष्ट डा. लेखजंग थापा हिरोज् अफ त पब्लिक अवार्डबाट सम्मानित भएका छन् । रुपन्देहीस्थित रुपन्देही युवा क्लबले डा. थापालाई उक्त अवार्डबाट सम्मानित गरेको हो ।
डा. थापाले लामो समयदखि स्वास्थ्य क्षेत्रमा पुर्याउँदै आएको योगदानको कदर गर्दै उनलाई सम्मान गरिएको क्लबका अध्यक्ष विशाल गुप्ताले जानकारी दिए ।
काठमाडौंको महाराजगञ्जस्थित नेशनल न्यूरो सेन्टरका निर्देशक समेत रहेका डा. थापाले साताको दुई दिन रुपन्देही भैरहवालाई दिने गरेका छन् । शुक्रबार र शनिबार थापाले भैरहवास्थित न्यूरो एण्ड एलाइड क्लिनिकमा न्यूरोका बिरामीको उपचार गर्दै आएका छन् । उनको उपस्थितिले न्यूरोबाट समस्यामा परेका बिरामीहरुले सहजै उपचार पाएका छन् ।
रुपन्देही क्लबले वर्षेनी समाजमा उत्कृष्ट काम गर्ने व्यक्तिलाई विभिन्न अवार्डबाट सम्मानित गर्दै आएका छ । जसअन्तर्गत यसपाली डा. थापास“गै समाजसेवी राजा प्रताप शाही, अमित गुप्ता, सिद्धार्थ नगरपालिका वडा नम्बर ४ का वडाध्यक्ष उज्ववल पोखरेललाई विभिन्न विधाबाट सम्मानित गरेका थियो ।
यो खबर पढेर तपाईलाई कस्तो महसुस भयो ?
प्रतिक्रिया