आजदेखि ‘शुभ लभ’

काठमाडौं । नेपाली चलचित्र ‘शुभ लभ’ आज (शुक्रवार)बाट प्रदर्शनमा आएको छ । 

युवा ज्योतिषी हरिहर अधिकारीद्वारा अभिनित चलचित्र ‘शुभ लभ’ आजबाट देशभर प्रदर्शनमा आएको हो । 

सन्तोष बाबु लोहनीद्वारा निर्देशित चलचित्रलाई धर्मराज सुवेदीले लगानी गरेका हुन् । 

प्रेमकथालाई सशक्त ढंगले प्रस्तुत गरिएको यस चलचित्रमा नायक अधिकारी तथा कृष्टिन पौडेलका अतिरिक्त सरोज खनाल, राजाराम पौडेल, राजा राजेन्द्र पोखरेल, रवीन्द्र झा, प्रदीप बास्तोला आदि कलाकारले अभिनय गरेका छन् । 

बुद्ध इन्टरटेनमेन्टको ब्यानरमा निर्माण भएको यो चलचित्रका प्रस्तुतकर्ता प्रदीपकुमार उदय हुन् । 

चलचित्रको कथा अभिनेता हरिहर स्वयंको हो भने अभिमन्यु निरवीले यसको पटकथा तथा सम्वाद तयार गरेका हुन् । अर्जुन पोखरेलद्वारा संगीतवद्ध यो चलचित्रलाई रामेश्वर कार्कीले छायांकन गरेका हुन् । 

पोखरा, म्याग्दी, लुम्बिनी, भैरहवा, कालिञ्चोक तथा काठमाडौंका विभिन्न स्थानका दृश्य समेटिएको यस चलचित्रलाई रामजी लामिछानेको कोरियोग्राफी गरेका हुन् भने विक्रम भट्टराईको द्वन्द्व तथा बनिष शाह एवं भुपेन्द्र अधिकारीको सम्पादन हेर्न पाइन्छ ।