काठमाडौं । भारतका स्टार एवम अलराउन्डर हार्दिक पाण्ड्या आफ्नो पुरानो आईपीएल टिम मुम्बई इन्डियन्समा फर्किएका छन् । मुम्बईले २०२४ को लागि खेलाडी लिलामी अगाडि ट्रेड विन्डोमा हार्दिकलाई आफुनो टिममा राखेको छ ।
हार्दिक मुम्बई इन्डियन्समा आबद्ध भएको खबर धेरै दिनदेखि सामाजिक सञ्जालमा चलिरहेको थियो अहिले भने मुम्बई इन्डियन्सले नै सोबारे जानकारी गराएको छ ।
मुम्बई फर्किएपछि खुसी व्यक्त गर्दै हार्दिक पाण्डेयले एक भावुक भिडियो सेयर गरेका छन् ।
एक भिडियो सेयर गर्दै हार्दिकले लेखेका छन्,’यसले धेरै राम्रा सम्झनाहरू फिर्ता ल्याउँनेछ। मुम्बई, वानखेडे, पल्टन, फर्केर आउँदा राम्रो लाग्छ।’ उक्त भिडियोमा हार्दिकको पहिलो पटक आईपीएलमा बोली लाग्नेदेखि स्टार बन्नेसम्मको यात्रा देखाइएको छ ।
हेर्नुहोस् भिडियो :
This brings back so many wonderful memories. Mumbai. Wankhede. Paltan. Feels good to be back. 💙 #OneFamily @mipaltan pic.twitter.com/o4zTC5EPAC
— hardik pandya (@hardikpandya7) November 27, 2023
मुम्बई इन्डियन्सकी मालिक नीता अम्बानीले भनिन्, “हार्दिकलाई मुम्बई इन्डियन्समा स्वागत गर्न पाउँदा हामी उत्साहित छौं! यो हाम्रो मुम्बई इन्डियन्स परिवार संग एक हृदयस्पर्शी पुनर्मिलन हो!”
यो खबर पढेर तपाईलाई कस्तो महसुस भयो ?
प्रतिक्रिया