ओरिएन्टेरिङको सेमिनार शुरु

काठमाडौं । नेपाल ओरिएन्टेरिङ संघको आयोजनामा ओरिएन्टेरिङ स्पोर्ट्स सेमिनार ठमेलको जिएए हलमा शुरु भएको छ ।

सेमिनारमा एथलेटिक्स र माउन्टेन बाइक खेलाडी, विभिन्न विद्यालयका खेलकुद शिक्षक र आरोही गरी ३० जनाको सहभागिता रहेको ओरिएन्टेरिङ संघका अध्यक्ष किरण मल्लले जनाएका छन् । 

सहभागीलाई अन्तर्राष्ट्रिय ओरिएन्टेरिङ महासंघका महासचिव एवं प्रमुख कार्यकारी अधिकृत टम होलोवेलले प्रशिक्षण दिइरहेका छन् । दुईदिने सेमिनारको राष्ट्रिय खेलकुद परिषद्का उपाध्यक्ष पिताम्बर तिम्सिनाले एक कार्यक्रमबीच उद्घाटन गरे ।