काठमाडौं । नेपाली सेनाको स्काई ट्रक विमान बारा–पर्साबाट ६ जना घाइतेलाई लिएर काठमाडौं आइपुगेको छ ।
आइतवार राति आँधीमा परी घाइते भएका मध्ये ६ जनालाई लिएर सेनाको स्काई ट्रक विमान त्रिभुवन अन्तर्राष्ट्रिय विमानस्थलमा केहीबेर अघि आइपुगेको हो ।
आइतवार राति आएको भिषण हावाहुरीसँगै परेको असिना पानीमा परेर ३१ जनाको ज्यान जानुका साथै करिब ७ सय बढी घाइते भएका छन् ।
बिरामीलाई ल्याउनका लागि गृहमन्त्रालयले समन्वय गरिरहेको नेपाली सेनाको जंगी अड्डाका प्रवक्ता यामप्रसाद ढकालले जानकारी दिए ।
‘गृहमन्त्रालयसँगको काअर्डिनेशनमा हामीले उद्दार गर्ने हो, कुनमा अस्पताल लगिन्छ, टुंगो लागेको छैन’ ढकालले भने ।
साथै गृहमन्त्रालयका एक अधिकारीका अनुसार घाइतेहरुलाई वीर अस्पताल वा त्रिवि शिक्षण अस्पताल महाराजगञ्ज लगिने तयारी भएको बताए ।
यो खबर पढेर तपाईलाई कस्तो महसुस भयो ?
प्रतिक्रिया