आइतबार राति आएको भिषण हावाहुरी र आँधीबेहेरीका कारण घाइते भएकाहरुको उपचारका लागि रगत अभाव भएको छ ।
रगत संकलनका लागि उद्धारमा खटिएका नेपाली सेना तथा नेपाली प्रहरीका जवानहरु र सर्वसाधारण रक्तदानमा जुटेका छन् ।
यसैबिच काठमाडौँको विभिन्न स्थानहरुमा पनि रक्तदान भइरहेको छ । यूवाहरु विभिन्न समुह बनाएर रक्तदानमा जुटेका छन् ।
तिव्र गतिमा आएको आँधीबेहरीका कारण बारा र पर्सामा गरी करिब चार सयभन्दा धेरै मानिसहरु घाइते भएका छन् । वीरगन्ज अस्पतालमा राखिएका घाइतेहरुको उपचारका लागि रगत अभाव भएको हो ।
उपराष्ट्रपति नन्दबहादुर पूनका छोरा दिपेश पुनले पनि बिहानै सामाजिक सञ्जाल फेसबुकमार्फत रगत दान गर्न अपिल गरेका छन् ।
पत्रकार विजय कुमार पाण्डेले सामाजिक सञ्जाल फेसबुकमार्फत रक्तदानका लागि अनुरोध गरिरहेका छन् ।
गृहमन्त्रालयका अनुसार हावा हुरीका कारण बारा र पर्सा गरी यो समाचार तयार पार्दासम्म २७ जनाको मृत्यु भएको छ भने ४०० भन्दा धेरै घाइते भएका छन् ।
प्रकोपबाट बालबालिका, सुत्केरी, गर्भवति, बृद्धबृद्धा अत्यन्तै प्रभावित भएका छन् । एसईई दिने बालबालिका समेत अन्यौलमा परेका छन् । _तस्वीर लोकपथको लेन्सबाट र समाजिक सञ्जालबाट
यो खबर पढेर तपाईलाई कस्तो महसुस भयो ?
प्रतिक्रिया