काठमाडौं । छुट्टाछुट्टै स्थानबाट तीनजना मृत अवस्थामा फेला परेका छन् । ताप्लेजुङको सिदिङवा गाउँपालिका–६ काफलडाँडा बस्ने ५४ वर्षीय बुद्धिमान दर्जी मंगलबार मृत अवस्थामा फेला परेको हो ।
सोही ठाउँस्थित डिल्ली बहादुर कार्कीको घरमा सोमबार राति धामीझाक्री गरी घर फर्किएका उनी घरमा नपुगेपछि खोजी गर्ने क्रममा सोही ठाउँस्थित भिर नजिक शव फेल परेको हो ।
त्यस्तै तनहुँको देवघाट गाउँपालिका–५ माथिल्लो बगन्दी बस्ने ७७ वर्षीय आश बहादुर गुरुङ सोही ठाउँस्थित साउने पानीको भिर नजिक मंगलबार मृत अवस्थामा फेला परेका छन् । सोमबार आफन्तको छेवरमा गएका उनी घर फर्की नआएपछि खोजी गर्ने क्रममा शव फेला परेका हो ।
यसैगरी सुर्खेतको वीरेन्द्रनगर नगरपालिका–१० बामेखोला गुनापानी जंगलमा सोही नगरपालिका–११ बस्ने ५८ वर्षीय गोविन्द चपाई मंगलबार मृत अवस्थामा फेला परेका छन् ।
सबै घटनाका सम्बन्धमा थप अनुसन्धान गरिरहेको प्रहरीले जनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया