एजेन्सी । उपाधि होडमा रहेको बार्सिलोनाले जारी स्पेनिस ला लिगा फुटबलमा बराबरी खेलेको छ ।
मंगलवार राति सम्पन्न भएको ३० औँ चरणको खेलमा बार्सिलोनाले लिगको १७ र्औँ स्थानमा रहेको भिल्लारियलसँग ४-४ गोलको बराबरी खेल्दै समान एक-एक अंक बाडेका छन् ।
बार्सिलोनाका लागि फिलीप कौटिन्हाले खेलको १२ औँ मिनेटमा, माल्कोमले १६ औँ मिनेटमा, कप्तान लियोनेल मेस्सीले ९० औँ मिनेटमा तथा लुइस स्वारेजले खेलको इन्जुरी समयमा समान एक-एक गोल गरेका थिए ।
यता भिल्लारियलका लागि सामुयल चुकवाई, टोको एकाम्बी, इबोर्रा र बाक्काले एक-एक गोल गरे । बराबरीपछि बार्सिलोनाले ७० अंक बनाएको छ । यता भिल्लारियलको भने ३० अंक मात्र छ ।
त्यस्तै मंगलवार राति नै भएको अर्को खेलमा लिगको दोस्रो स्थानमा रहेको एथ्लेटिको म्याड्रिडले जिरोनामाथि २-० गोल अन्तरले पराजित ग-यो । जितपछि एथ्लेटिको म्याड्रिडले ६२ अंक बनाएको छ ।
यता इस्पानियोल र गेटाफेबीचको खेल भने एक-एक गोलको बराबरीमा सकिएको छ ।
यो खबर पढेर तपाईलाई कस्तो महसुस भयो ?
प्रतिक्रिया