काठमाडौं । ‘एएफसी’ कप फुटबल अन्तर्गत आज ‘बुधवार’ नेपालको मनाङ मस्याङ्दी क्लबले बंगलादेशको अबहानी क्लबसँग भिड्दै छ ।
समूह चरणको पहिलो खेलमा नेपालको ‘ए’ डिभिजन लिग च्याम्पियन मनाङले अबहानीलाई हराउने रणनीतिका साथ मैदानमा उत्रदैछ । यी दुई क्लबबीचको खेल सातदोबाटोस्थित एन्फा कम्प्लेक्सको मैदानमा आज दिउँसो ३ बजेपछि शुरु हुनेछ ।
समूह चरण पार गर्ने लक्ष्य लिएको मनाङले बलियो टोली अबहानीलाई पराजित गर्दै सुखद नजिता निकाल्ने दाउमा रहेको छ । यस अघि मनाङका प्रशिक्षक छिरिङ लोप्साङ गुरुङले क्लबका सबै खेलाडी शारीरिक तथा मानशिक रुपमा तयार रहेको बताएका थिए ।
समूह ‘इ’ मा रहेको मनाङले अबहानीसँग अवे खेल पनि खेल्नेछ ।
अवे खेल आगामी जुन १९ तारिखमा ढाकास्थित बंगबन्धु स्टेडियममा खेल्नेछ । होम एण्ड अवेको आधारमा हुने प्रतियोगिताको विजेता टोलीले इन्टर जोन प्ले अफको सेमिफाइनलमा स्थान बनाउने छन् ।
यो खबर पढेर तपाईलाई कस्तो महसुस भयो ?
प्रतिक्रिया