काठमाडौं । ‘एएफसी’ कप फुटबलको पहिलो खेलमा नेपालको ‘ए’ डिभिजन लिग च्याम्पियन मनाङ मस्याङदी क्लब पराजित भएको छ ।
सातदोबाटोस्थित एन्फा कम्प्लेक्सको मैदानमा बुधवार भएको खेलको मनाङ बंगलादेशी क्लब अबहानी लिमिटेडसँग १-० गोल अन्तरले पराजित भएको हो । अबहानीका लागि मासिया साइघानीले गरेको एक मात्र गोल गनै निर्णायक बनेको थियो ।
उनले खेलको २७ औँ मिनेटमा गोल गरेका थिए । प्रतिस्पर्धात्मक खेलको पहिलो हाफसम्म मनाङले निक्कै आक्रामक खेल खेलेको थियो । दोस्रो हाफमा पनि मनाङले अबहानीलाई गोल गर्ने मौका दिएन ।
निर्धारित समयसम्म मनाङले पनि केही गोल गर्ने मौका पाएपनि सदुपयोग भने गर्न सकेन र खेलमा १-० को हार बेहो-र्यो ।
समूह ‘इ’ मा रहेको मनाङले अबहानीसँग अवे खेल पनि खेल्नेछ । अवे खेल आगामी जुन १९ तारिखमा ढाकास्थित बंगबन्धु स्टेडियममा खेल्नेछ । होम एण्ड अवेको आधारमा हुने प्रतियोगिताको विजेता टोलीले इन्टर जोन प्ले अफको सेमिफाइनलमा स्थान बनाउने छन् ।
यो खबर पढेर तपाईलाई कस्तो महसुस भयो ?
प्रतिक्रिया