सवारी दुर्घटनामा परि दुई जनाको मृत्यु 

काठमाडौं । सवारी दुर्घटना परि दुई जनाको मृत्यु  भएको छ ।

काभ्रेको  पाँचखाल नगरपालिका-६ हनुमानगढीस्थित सडकमा बा.८७ प ६४१ नम्बरको मोटरसाइकल अनियन्त्रित भई प्र.३-०१- ००५ ख ९७०३ नम्बरको गाडीमा ठक्कर खाएर बिहीवार बिहान दुर्घटना हुँदा मोटरसाइकल चालक पनौती नगरपालिका-१२ बस्ने ३४ वर्षीय रुपक खत्रीको घटनास्थलमै मृत्यु भएको हो  । गाडी चालकलाई प्रहरीले नियन्त्रणमा लिएको छ ।

प्युठानको  ऐरावती गाउँपालिका-२ बरौलास्थित सडकमा लु.३ च ६८४७ नम्बरको गाडीको ठक्करबाट मल्लरानी गाउँपालिका-३ चोरपानी बस्ने ५२ वर्षीय दामोदर परियारको बिहीबार बिहान मृत्यु भएको छ ।

गाडीको टायर पड्कीएर ब्रेक फेल भई  जन्तीमा सहभागी भईरहेका व्यक्तिहरूलाई ठक्कर दिँदा गम्भीर घाइते भएका उनको जिल्ला अस्पताल बिजुवारमा उपचारको क्रममा मृत्यु भएको हो ।

घाइते भएका अन्य ४ जनाको सोही अस्पतालमा उपचार भइरहेको छ । दुर्घटनाका सम्बन्धमा  आवश्यक अनुसन्धान गरिरहेको प्रहरीले जनाएको छ ।