काठमाडौं । छुट्टाछुट्टै सवारी दुर्घटनामा दुई जनाको मृत्यु भएको छ ।
रूपन्देहीको गैडहवा गाउँपालिका-१ मडवाझार गैरामा लु.१ क २२३६ नम्बरको स्कुल बसको ठक्करबाट सोही ठाउँ बस्ने राम हरीजनकी २ वर्षीय छोरी नारिया हरिजनको आइतबार बिहान घट्नास्थलमै मृत्यु भएको छ ।
बस चालकलाई प्रहरीले नियन्त्रणमा लिएको छ । त्यस्तै कञ्चनपुरको शुक्लाफाँटा नगरपालिका-११ कलुवापुरमा म.१ ख ९३५ नम्बरको बसले सु.प.प्र.०१९००९ प १२०७ नम्बरको मोटरसाइकललाई आइतबार बिहान ठक्कर दिँदा मोटरसाइकलमा सवार शुक्लाफाटा नगरपालिका-२ बन्साह बस्ने ३९ वर्षीय भागरथी अवस्थीको मृत्यु भएको हो ।
दुर्घटनामा गम्भीर घाइते भएकी उनको मायामेट्रो अस्पताल धनगढीमा उपचारको क्रममा मृत्यु भएको हो । साथै दुर्घटनामा घाइते भएका मोटरसाइकलमा सवार अन्य २ जनाको सोही अस्पतालमा उपचार भइरहेको छ । बस चालकलाई प्रहरीले नियन्त्रणमा लिएको छ ।
दुर्घटनाका सम्बन्धमा आवश्यक अनुसन्धान गरिरहेको प्रहरीले जनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया