मोटरसाइकल दुर्घटना : चालक बाँचे, साथीको मृत्यु

भरतपुर । चितवनमा भएको सवारी दुर्घटनामा एक जनाको मृत्यु भएको छ । भरतपुर महानगरपालिका–१ रामनगरमा पर्ने नारायणगढ–मुग्लिन सडकखण्डमा बिग्रेर राखिएको ट्रकमा मोटरसाइकलले ठक्कर दिँदा दुर्घटना भएको हो ।

गए राति भएको उक्त दुर्घटनामा मोटरसाइकल चालक महेश्वर कँडेल गम्भीर घाइते भएका छन् भने पछाडि बसेका सरोज भुजेलको उपचारका क्रममा मृत्यु भएको छ ।

घाइते कँडेलको पुरानो मेडिकल कलेजमा उपचार भइरहेको छ ।