एनएसएल : झापा एफसीलाई हराएर शिर्ष स्थानमा उक्लिने दाउमा धनगढी

काठमाडौं । काठमाडौंमा जारी खनेपाल सुपर लिग (एनएसएल) फुटबलमा आज झापा एफसी र धनगढी एफसीबीच प्रतिस्पर्धा हुने भएको छ।   त्रिपुरेश्वरस्थित दशरथ रंगशालामा खेलाइने खेल साँझ ५ बजेदेखि सुरु हुनेछ ।

जारी लिगमा आज दुवै टोलीले सातौं खेल खेल्दैछन् । आजको खेलमा धनगढी चौथों जितको खोजीमा रहँदा झापा एफसी दोस्रो जित निकाल्ने योजनामा छ ।

धनगढी तीनमा जित र तीनमा बराबरीका साथ अपराजित रहँदै १२ अंकका साथ दोस्रो स्थानमा रहेको छ ।आजको खेल जितेको खण्डमा धनगढी शीर्षस्थानमा उक्लिने छ । पोखरा १४ स्थानका साथ शीर्षस्थानमा छ ।

यस्तै, झापा एफसी एकमा जित, चारमा बराबरी र एकमा हार बेहोर्दै ७ अङ्कका साथ पाँचौँ स्थानमा छ ।