काठमाडौं । म्यानचेस्टर सिटीले फिफा क्लब विश्वकप फुटबलको उपाधि जितेको छ ।शुक्रबार राति साउदी अरेवियामा भएको फाइनलमा ब्राजिलियन क्लब फ्लुमिनेन्सलाई ४–० गोल अन्तरले पराजित गर्दै सिटीले पहिलो पटक उपाधि जितेको हो ।
सिटीको जितमा जुलियन अल्भारेजले २ गोल गर्दा फिल फोडेनले १ गोल गरेका थिए । १ गोल भने उपहार पाएको थियो ।
खेल सुरु भएको ४० सेकेन्डमै अल्भारेजले गोल गर्दै सिटीलाई अग्रता दिलाए ।
२७ औं मिनेटमा फ्लुमिनेन्सका निनोले आफ्नै पोस्टमा प्रहार गरेपछि सिटीले उपहार गोलमार्फत अग्रता दोब्बर बनाएको थियो । पहिलो हाफमा २ गोल गरेको सिटीले दोस्रो हाफमा अरु २ गोल थपेको थियो ।
७२ औं मिनेटमा फिल फोडेनले गोल गर्दै सिटीलाई ३–० ले अघि बढाए । यस्तै, ८८ औं मिनेटमा अल्भारेजले व्यक्तिगत दोस्रो गोल गर्दा सिटी ४–० को सहज जितका साथ उपाधि कब्जा गर्न सफल भयो ।
यो खबर पढेर तपाईलाई कस्तो महसुस भयो ?
प्रतिक्रिया