एजेन्सी । ‘युइएफए’ च्याम्पियन लिग फुटबल अन्तर्गत क्वाटरफाइनलको खेलमा आज ‘बुधवार’राति दुई बलिया क्लबबीच भिडन्त हुँदैछ ।
बुधवार राति हुने क्वाटरफाइनलको पहिलो लेगको खेलमा इंग्लिस क्लब म्यान्चेस्टर युनाइटेडले स्पेनी क्लब बार्सिलोनाको सामना गर्दैछ । यी दुई क्लबबीचको खेल नेपाली समयानुसार आज बेलुकी १२ : ४५ बजेपछि शुरु हुँदैछ ।
युनाइटेडको घरेलु मैदान ओल्ड ट्राफोर्डमा हुने खेलमा बार्सिलोना जीत निकाल्ने लक्ष्यका साथ मैदानमा उत्रदैछ ।
त्यस्तै आजै राति हुने अर्को खेलमा इटालियन क्लब युभेन्ट्सले एजेक्ससँग भिड्दैछ ।
यी दुई क्लबबीचको खेल आम्स्टडाम एरिना स्टेडियममा हुनेछ । यी चार वटै क्लबले आगामी साता क्वाटरफाइनलको दोस्रो लेगको खेल खेल्नेछ । यसअघि मंगलवार राति सम्पन्न भएको खेलमा टोट्नह्याम र लिभरपुलले आ-आफ्नो खेलमा जीत निकालेको थियो ।
यो खबर पढेर तपाईलाई कस्तो महसुस भयो ?
प्रतिक्रिया