काठमाडौं । इंग्लिस प्रिमियर लिग फुटबलमा आज ब्राइटन र टोटनह्याम भिड्दै छन् । एक्सप्रेस कम्युनिटी स्टेडियममा खेलाइने खेल नेपाली समयअनुसार राति सवा १ बज सुरु हुनेछ ।
टोटनह्याम अहिले प्रिमियर लिग तालिकाको पाँचौं स्थानमा रहँदा ब्राइटन नवौं स्थानमा रहेको छ । ब्राइटनले पछिल्ला खेलहरुमा जित निकाल्न सकेको छैन भने टोटनह्यामले लगातार जित निकाल्दै आएको छ ।
ब्राइटनले आफ्नो पछिल्लो खलमा एभर्टनलाई २–१ गोल अन्तरले पराजित गरेको थियो । टोटनह्याम ३६ अंकका साथ पाँचौं स्थानमा रहेको छ ।
शीर्ष स्थानमा रहेको लिभरपुल भन्दा ६ अंकले पछि रहेको छ । यस्तो अवस्थामा टोटनह्याम जित निकाल्दै तालिका सुधार गर्ने लक्ष्यमा हुने छ ।
उता, ब्राइटनले भने पछिल्लो खेलमा क्रिष्टल प्यालेससँग खेल्दै अंक बाँडेको थियो । ब्राइटन अहिले २७ अंकका साथ नवौं स्थानमा रहेकाले तालिकामा स्थान सुधार गर्नका लागि स्पष्ट जित निकाल्दै ३ अंक थप्नु पर्ने छ ।
टोटनह्याम लागि सन ह्युंग मिनको प्रदर्शनमा बढी भर पर्ने छ भने ब्राइटनले इवान फग्र्युसन र जोआओ पेड्रोमा भर पर्ने छन् ।
अमेरिकन एक्सप्रेस कम्युनिटी स्टेडियममा ब्राइटनले ९ खेल खेल्दा यो सिजन ४ मा जित र ४ मा बराबरी गर्दा एक खेलमा मात्रै हारको सामना गरेको छ ।
यो खबर पढेर तपाईलाई कस्तो महसुस भयो ?
प्रतिक्रिया