पानीले बिथोलेको ‘मातृभूमि कप’ भोलि हुने

काठमाडौं । धुर्मुस सुन्तली फाउन्डेसनले निर्माण गर्न लागेको गौतम बुद्ध अन्तर्राष्ट्रिय क्रिकेट रंगशालाको सहयोगार्थ आयोजना हुन लागेको ‘मातृभूमि कप’ क्रिकेट प्रतियोगिता भोलि (शनिबार) हुने भएको छ । शुक्रबार पत्रकार सम्मेलन गर्दै आयोजक धुर्मुस सुन्तली फाउण्डेशनले गत शनिवार स्थगित भएको प्रतियोगिता भोलि आयोजना गर्ने जानकारी दिएको हो ।

कीर्तिपुरस्थित टियु क्रिकेट मैदानमा हुने उक्त खेलमा नेपाली राष्ट्रिय क्रिकेट टोलीका कप्तान पारस खड्का र उपकप्तान ज्ञानेन्द्र मल्लको कप्तानीमा दुई टोली प्रतिस्पर्धामा उत्रिने छन् ।

गत शनिबार बिहान भारी वर्षाका कारण खेल स्थगित गरिएको थियो ।