काठमाडौं । ‘वुमन्स च्याम्पियन्स लिग’, महिला फ्रेन्चाइज क्रिकेट लिग, को टिम र मार्की खेलाडी सार्वजनिक गरिएको छ ।
क्विन्स इभेन्ट म्यानेजमेन्टले आयोजना गर्ने उक्त फ्रेन्चाइज क्रिकेट लिगमा ललितपुर फाल्कोन्स,पोखरा पल्टन,क्यापिटल रोयल्स काठमाडौँ, चितवन राइनोज र विराटनगर टाइटन्सले प्रतिस्पर्धा गर्ने छन् ।आयोजकले शुक्रबार पत्रकार सम्मेलन गर्दै सहभागी ५ टोलीको नाम र मार्की खेलाडी सार्वजनिक गरेको हो ।
विनायक पोखरेलको टिम पोखराको मार्की खेलाडी राष्ट्रिय टिमकी उपकप्तान सिता राना मगर रहेकी छिन् भने सिर्जना जोशीको टिम ललितपुरको मार्की खेलाडी राष्ट्रिय टिमकी कप्तान नेरी थापा रहेकी छिन् । त्यस्तै दिपा अग्रवालको टिम क्यापिटलको मार्की खेलाडी रुबिना क्षेत्री, मिङमा टण्डु शेर्पाको टिम चितवनको मार्की खेलाडी इन्दु बर्मा र पारस लुनियाको टिम विराटनगरको मार्की खेलाडी सरिता मगर रहेकी छिन् ।
टियु क्रिकेट मैदानमा आयोजना हुने उक्त प्रतियोगिता जेठ ३ गतेबाट शुरु भएर ११ गते समापन हुनेछ ।
यो खबर पढेर तपाईलाई कस्तो महसुस भयो ?
प्रतिक्रिया