काठमाडौं । जाडोको समयमा शरीरमा विभिन्न थरिका परिवर्तनहरु आउँछन् । एकातिर फ्लू भने अर्कोतिर मौसमी बिरामिको खतरा बढ्दै जान्छ । तथ्याङ्कका अनुसार जाडो मौसममा हृदयघातको समस्या पनि तीव्र गतिले बढ्ने गरेको छ ।
जाडो मौसममा नशाहरु खुम्चिन थाल्छ र कडा हुन जान्छ । यसलाई सामान्य बनाउको लागि शरीरमा रगतको प्रवाह बढ्न थाल्छ । यहि रगतको प्रवाह बढाउँदा उच्च रक्तचाप पनि बढ्न जान्छ । यसले मुटुमा दबाब पर्छ र हार्टअट्याकको कारण बन्न जान्छ ।
आज हामी तपाइलाई जाडो मौसममा हार्टअट्याक बढ्नुको कारण र यसबाट बच्ने उपायहरुको बारेमा जानकारी दिनेछौँ ।
विज्ञहरुका अनुसार मुटुका बिरामिहरुलाई जाडो मौसममा हार्टअट्याकको खतरा ३१ प्रतिशतले बढ्ने गर्छ । राति सुत्दा शरीरको रक्तचाप र चिनीको मात्रा कम हुन्छ । बिहान अटोमेटिक नर्वस सिस्टम सामान्य बनाउको लागि चिसो मौसमा मुटुलाई काम गर्न धेरै मेहनत गर्नुपर्छ । जसको कारण हार्टअट्याकको खतरा बढ्न जान्छ ।
जाडो मौसममा हार्टअट्याकबाट बच्ने उपायहरु
नुन कम खाने : मुटु स्वस्थ राख्नको लािग रक्तचापलाई पनि नियन्त्रण राख्नुपर्छ । जाडो मौसममा जति सकिन्छ त्यति नै नुनको प्रयोग कम गर्नुपर्छ । शरीरमा नुनले पानी रोकेर राख्ने काम गर्छ । जसले गर्दा मुटले यस्तो तरल पदार्थ पम्प गर्न धेरै मेहनत गर्नुपर्छ । जसले हार्टअट्याकको जाखिमलाई बढाउँछ ।
पानी सिमित मात्रमा पिउने : चिसो मौसममा मानिसहरुले कम पानी पिउने गर्छन् । यो मौसममा पानी कम पिउनु मुटुको लागि फाइदाजनक नै मानिन्छ । विज्ञका अनुसार यो मौसमा पानी कम पिँउदा मुटुले तरलपदार्थ पम्प गर्न धेरै मेहनत गर्नुपर्दैन र मुटुलाई फाइदा पुग्छ ।
बिहान छिट्टै नउठ्ने : जाडो मौसममा मुटुका बिरामिहरु बिहान छिट्टै उठ्नु हुँदैन । बिहान शरीरको नशा खुम्चिरहेको हुन्छ । यस्तो अवस्थामा शारीरिक व्यायाम र मर्निङ्ग वाक गर्दा शरीरमा अझ धेरै हानी पुग्न सक्छ । यसले गर्दा हल्का घाम लागेपछि मात्र बाहिर निस्केर शारीरिक व्यायाम गर्नुपर्छ ।
चिल्लो पदार्थ कम खाने : जाडो मौसममा मानिसहरु तारेको अथवा भुटेको खाने कुराहरु खान मन पराउँछन् । यस्तो खानेकुराहरुले खराब कोलेस्ट्रोलको मात्रा बढ्छ र हार्टअट्याक हुने जोखिम पनि बढि हुन्छ ।
तनाव मुक्त रहने : तनावका कारण पनि मुटु सम्बन्धी समस्या देखिन जान्छ । त्यसैले तनावबाट मुक्त रहने गर्नुहोस् र बेलाबेलामा मुटुको परीक्षण गराउने गर्नुहोस् ।
यो खबर पढेर तपाईलाई कस्तो महसुस भयो ?
प्रतिक्रिया