प्रदेश ३ दोहोरो उपाधि नजिक

दाङ । आठौँ राष्ट्रिय खेलकुद अन्तर्गतराष्ट्रिय बास्केटबको पुरुष/महिला दुवैमा प्रदेश ३ फाइनलमा प्रवेश गरेको छ ।

दाङको घोराहीमा भइरहेको प्रतियोगिताको पुरुषमा प्रदेश ३ ले प्रदेश ४ लाई ९३–६३ ले पराजित ग-यो । प्रदेश ३ को जितमा विनोद श्रेष्ठले २० अंक योगदान गरे । फाइनलमा प्रदेश ३ को भेट आर्मीसँग हुनेछ । अर्को सेमिफाइनलमा आयुश सिंहको १९ अंक सहयोगमा आर्मीले नेपाल प्रहरीलाई ८५–७१ ले हरायो ।

महिलामा प्रदेश ३ ले आर्मीमाथि ३९–२३ को जित दर्ता ग-यो । प्रदेश ३ की एलिना गुरुङले ९ अंक जोडिन् । उपाधिका लागि प्रदेश ३ ले प्रहरीसँग भिड्ने छ । प्रहरीले सुदूरपश्चिमलाई ५५–४४ ले पाखा लगायो । प्रतियोगिता आज ‘बुधवार’ सम्पन्न हुनेछ ।