चेन्नई । दक्षिण भारतीय अभिनेता विजय देवरकोन्डा र अभिनेत्री रश्मिका मन्दनाले बिहे गर्न लागेका छन् ।
विजय र रश्मिका बेहुला–बेहुली भएको तस्वीर सामाजिक सञ्जाला भाइरल बनिरहेको छ । दुबैले एक अर्कासँग मगनी गरेको अफवाह पनि अहिले निकै चलिरहेको छ । यी दुबै गीता गोनिन्दम फिल्मको शूटिङको बेलामा एकअर्काको नजिक आएका थिए । यो फिल्मपछि विजय र रश्मिका डियर कमरेडमा देखिएमा थिए ।
लामो समयदेखि यी दुईले एक अर्कालाई डेट गरिरहेको खबर आइरहेको छ । रश्मिका हरेक चाडपर्वमा विजयको घर जाने गरेको हल्ला पनि चलिरहेको छ । केही समयअघि दुबै मल्दिभ्समा छुट्टी मनाउन गएको खबर पनि आएको थियो ।
अहिले भने विजय र रश्मिकाले बिहे गर्न लागेको सुन्नमा आएको छ । दुबैले छिटै बिहे पनि गर्नेछन् । दुबैको परिवारले यो सम्बन्धलाई मञ्जुरी दिएका छन् । सञ्चार माध्यमहरुले सुत्रलाई उद्धृत गर्दै छापेको समाचारअनुसार फेब्रुअरीको दोसो हप्तामा दुबैले मगनी गर्दैछन् ।
विजय हालै मात्र सामन्था रुथ प्रभुको साथमा खुसी फिल्ममा देखिएका थिए । विजय अहिले गिता गोविन्दमका निर्देशक परशुराम पेटलासँग नयाँ फिल्ममा काम गरिरहेका छन् ।
विजयको आगामी फिल्म फ्यामिली स्टारको रिलिज डेटमा ढिलाई भइरहेको छ । यो फिल्ममा विजयसँग मृणाल ठाकुर पनि छिन् । फिल्म १८ फेबु्रअरीमा रिलिज हुन सक्ने बताइएको छ । रश्मिका अहिले पुष्पा २ को सूटिङमा व्यस्त छिन् । यसबाहेक उनी रेम्बो नामक तेलुगु फिल्मको पनि हिस्सा बनेकी छिन् ।
यो खबर पढेर तपाईलाई कस्तो महसुस भयो ?
प्रतिक्रिया