टंक र प्रतिभाले जिते स्वर्ण पदक

काठमाडौं । आठौँ राष्ट्रिय खेलकुद अन्तर्गत गल्फमा टंकबहादुर कार्की र प्रतिभा राईले स्वर्ण पदक जितेका छन् । 

व्यक्तिगत स्पर्धाको पुरुषमा टंक र महिलामा प्रतिभा पहिलो भएका हुन् ।

गोकर्ण गोल्फ क्लबमा भएको प्रतियोगिताको पुरुषमा शुक्रबहादुर राई दोश्रो तथा निरज तामाङ तेश्रो भए । महिलामा कश्मिरा शाहले रजत तथा तारा कार्कीले कास्य पदक जिते । शीर्ष तीन स्थान हात पार्ने पुरुष खेलाडी प्रदेश १ तथा महिला खेलाडी प्रदेश ३ का हुन् ।

पुरुष टिममा प्रदेश १ ‘शुक्र, बविन्द्र राई, निरज’ पहिलो, आर्मी ‘निश्चयजंग रायमाझी, सुवास तामाङ, राहुल विक’ दोश्रो तथा गण्डकी प्रदेश ‘मदन गुरुङ, लक्ष्मीप्रसाद गुरुङ, महेन्द्र थगामी’ तेश्रो भए । तीनदिने प्रतियोगितामा ६ महिलासहित ३४ खेलाडी सहभागी थिए । तीन स्पर्धामा प्रतिस्पर्धा भएको थियो ।