अवैध लागुऔषध खैरो हेरोइनसहित दुईजना पक्राउ

कैलाली । अवैध लागुऔषध खैरो हेरोइनसहित दुई  जनालाई प्रहरीले पक्राउ गरेको छ । भजनी नगरपालिका-९ पहलमान झुलंगे पुलस्थित सडकबाट अवैध लागुऔषध खैरो हेरोइनजस्तो देखिने पदार्थ ५ ग्राम ६ सय ६० मिलिग्रामसहित २ जनालाई शनिबार साँझ प्रहरीले पक्राउ
गरेको हो ।

पक्राउ पर्नेहरूमा घोडाघोडी नगरपालिका-१ सुखड बस्ने २६ वर्षीय प्रसान्त चौधरी र भजनीनगरपलिका-४ बस्ने २७ वर्षीय अभिसेख चौधरी रहेका छन् ।

ईलाका प्रहरी कार्यालय सूर्यपुरभजनीबाट खटिएको प्रहरीले से.४ प ३४४९ नम्बरको मोटरसाइकललाई जाँच गर्ने क्रममा
मोटरसाइकलमा सवार उनीहरूलाई उक्त पदार्थसहित पक्राउ गरेको हो । यस सम्बन्धमा थप अनुसन्धान गरिरहेको प्रहरीले जनाएको छ ।