स्वर्गीय बस्नेतको १३औँ दिनको पुण्यतिथिमा रक्तदान

काठमाडौं । स्वर्गीय बुद्धकुमारी बस्नेतको १३औँ दिनको पुण्यतिथिमा रक्तदान कार्यक्रम सम्पन्न भएको छ ।

मंगलबार दिउँसो पशुपतिस्थित ट्याक्सी पार्कमा रक्तदान सम्पन्न भएको हो ।

नेपाल रेडक्रस सोसाइटी कमलपोखरी उपशाखाद्वारा आयोजित रक्तदान कार्यक्रमका लागि मेरो माइक्रोफाइनान्स लघुवित्त वित्तीय संस्था लिमिटेड र काठमाडौं महानगरपालिकाको सहयोग रहेको थियो । त्यस्तै युवा रेडक्रस सर्कल शंकरदेव क्याम्पस, स्वतन्त्र विद्यार्थी युनियन शंकरदेव क्याम्पस, शंकरदेव क्याम्पस विद्यार्थी आल्मुनाइ (एसडिसी स्टुडेन्ट आल्मुनाइ) र शंकरदेव क्याम्पस हल्ट प्राइजको समन्वय रहेको थियो ।

स्वर्गीय बस्नेत स्वतन्त्र विद्यार्थी युनियन शंकरदेव क्याम्पसका पूर्व स्ववियु सभापति एवं नेपाली कांग्रेसका नेता शुुभराम बस्नेतकी आमा हुन् । त्यस्तै २०३१ साल पुुस १ गतेको चर्चित टिमुरबोटे काण्डका ज्युँदा शहीदका रुपमा परिचित एवं नेपाली कांग्रेस सोलुुखुम्बुका पूर्व जिल्ला सभापति प्रभुराम बस्नेतकी धर्मपन्ती समेत रहेकी बुद्धकुमारीको उपचारका क्रममा अमेरिकामा निधन भएको थियो ।

उक्त रक्तदान कार्यक्रममा शंकरदेव क्याम्पसका विद्यार्थी तथा शिक्षकहरु, विभिन्न कलेजका स्ववियु सभापतिहरु, विद्यार्थी नेताहरु लगायत सर्वसाधारणको समेत उपस्थिती रहेको थियो ।