एक थान भरूवा बन्दुकसहित ६ जना पक्राउ

बागलुङ । एक थान भरूवा बन्दुकसहित ६ जनालाई प्रहरीले पक्राउ गरेको छ । जैमिनी नगरपालिका-८ गाईधुने हुनेहवा सामुदायिक वनको समाखरी भन्ने स्थानबाट१ थान भरूवा बन्दुकसहित सोही नगरपालिका-८ बस्ने बाँके राप्ती सुनारी गाउँपालिका-१ घर भएका ३२ वर्षीय बिष्णु कुमाल समेत ६ जनालाई गएराति प्रहरीले पक्राउ गरेको हो ।

उक्त स्थानमा भरूवा बन्दुक पडकाएको भन्ने खबर प्राप्त हुनासाथ प्रहरी चौकीछिस्तीबाट खटिएको प्रहरीले उनीहरूलाई उक्त बन्दुकसहित पक्राउ गरेको हो । यस सम्बन्धमा थप अनुसन्धान गरिरहेको प्रहरीले जनाएको छ ।