बाँके । आठौँ राष्ट्रिय खेलकुद अन्तर्गत पुरुष फुटबलको उपाधिका लागि नेपाल पुलिसले आर्मीको सामना गर्दैछ ।
नेपालगञ्ज रंगशालामा मंगलवार भएको सेमिफाईनल खेलमा एपीएफलाई २–१ गोल अन्तरले पराजित गर्दै पुलिसले फाईनलको यात्रा तय गरेको थियो । विभागीय डर्बीमा पुलिसलाई जिताउन रवि पासवान र तेज तामाङले गोल गरेका थिए । एपीएफका आशिष लामाले भने एक गोल फर्काए ।
त्यस्तै आर्मी क्लबले प्रदेश पाँचलाई ३-२ गोल अन्तरले हराउँदै फाइनलमा प्रवेश गरेको थियो ।
त्यस्तै आजै हुने महिला फुटबलको उपाधिका लागि दुई विभागिय टिम नेपाल आर्मी र शसस्त्र प्रहरीको एपीएफ भिड्दै छन् ।
प्रतियोगितामा हावी देखिएका दुबै टिमको फाइनल भिड्न्त कडा प्रतिस्पर्धा र रोमाञ्चक हुने अनुमान गरिएको छ । खेल आज दिउँसो ३ बजे पछि शुरु हुनेछ । सेमिफाईनलमा प्रदेश नं ३ लाई ६-० गोल अन्तरले हराउँदै आर्मीले फाइनलको यात्रा तय गरेको थियो ।
यो खबर पढेर तपाईलाई कस्तो महसुस भयो ?
प्रतिक्रिया