नवौँ राष्ट्रिय खेलकुद गण्डकी प्रदेशमा हुने

काठमाडौं । नवौँ राष्ट्रिय खेलकुद प्रतियोगिता गण्डकी प्रदेशमा हुने भएको छ ।

राष्ट्रिय खेलकुद परिषदको बुधवार बसेको बोर्ड बैठकले नवौँ राष्ट्रिय खेलकुद गण्डकी प्रदेशमा आगामी २०७७ साल फागुन २० देखि २७ गतेसम्म गर्ने निर्णय गरेको हो ।

पूवाञ्चलमा सम्पन्न सातौँ राष्ट्रिय खेलकुद प्रतियोगिता सञ्चालनको समयमा गरेको निर्णय अनुसार नवौँ खेलकुद गण्डकी प्रदेशमा गर्ने सहमती भएको हो ।  राष्ट्रिय खेलकुद परिषदका सदस्य सचिव केशवकुमार विष्टले नवौँ खेलकुद आयोजनाको जिम्मेवारी गण्डकी प्रदेशलाई दिन लागेको जानकार दिएका छन् । 

त्यस्तै युवा तथा खेलकुद मन्त्री जगत विशवकर्माले पनि यसअघि नवौँ राष्ट्रिय खेलकुद गण्डकी प्रदेशमा आयोजना गर्ने बताइरहेका थिए ।