जुवातास खेलिरहेको अवस्थामा चारजना पक्राउ

काठमाडौं । जुवातास खेलिरहेको अवस्थामा चार जनालाई प्रहरीले पक्राउ गरेको छ । तारकेश्वर नगरपालिका-४ दगुर्नेपानी पिपलबोट नजिक ग्यारेजमा जुवातास खेलिरहेको अवस्थामा सोही नगरपालिका-८ शेषमती शान्तिटोल बस्ने नुवाकोट बिदुर नगरपालिका-७ घर भएका ३५ वर्षीय रमेश श्रेष्ठ लगायत ४ जनालाई गएराति प्रहरीले पक्राउ गरेको हो ।

प्रहरी वृत्त बालाजुबाट खटिएको प्रहरीले उनीहरूलाई नगद ४४ हजार ६ सय रूपैयाँ र १ बुक तास सहित पक्राउ गरेको हो । यस सम्बन्धमा आवश्यक अनुसन्धान गरिरहेको प्रहरीले जनाएको छ ।