पूरा भयो रोनाल्डोको ६ सय गोल

एजेन्सी । युभेन्ट्सका स्टार क्रिस्टियानो रोनाल्डोले क्लब फुटबलमा ६ सय गोल पूरा गरेका छन् ।

सिरि एको पछिल्लो खेलमा युभेन्ट्सका लागि बराबरी गोल गर्दै रोनाल्डोले आफ्नोे ६०० गोल पूरा गरेका हुन् । उनकै गोलमा युभेन्ट्सले सिरि एको शनिबार राति भएको खेलमा ईन्टर मिलानसंग १–१ गोलको बराबरी खेल्दै अंक बाँडेको छ ।

उनले ५ गोल स्पोर्टिङ लिस्बोनबाट, १ सय १८ गोल म्यानचेष्टर युनाईटेडबाट र ४ सय ५० गोल रियल मड्रिडबाट गरेका छन् । र यसै सिजन ईटालिएन क्लब युभेन्ट्स गएका रोनाल्डोले युभेन्ट्सका तर्फबाट हालसम्म २७ गोल गरेका छन् ।

घरेलु टोली इन्टर मिलानका लागि रादा निङ्गगोलनले भली गोल गर्दै क्लबलाई अग्रता दिलाएका थिए । खेलको ६२ औं मिनेटमा रोनाल्डोले गोल गर्दै खेल बराबरीमा ल्याएका थिए । युभेन्ट्सले यसअघि नै सिरि एको उपाधि उचालिसकेको छ ।

युभेन्ट्सको ३४ खेलबाट ८८ अंक छ भने इन्टर मिलानको ६२ अंक छ ।