शुभ र उर्शला उत्कृष्ट, किक बक्सिङमा सोनम च्याम्पियन

काठमाडौं । प्रथम वडाअध्यक्ष कप राष्ट्रिय कराँते प्रतियोगितामा बादोकाइ कराँते टिम  पहिलो भएको छ । 

उपाधि जित्ने क्रममा वादोकाइले ९ स्वर्ण, १ रजत र ४ कास्य पदक हात पारेको हो । उपाधि विजेता टोलीले २५ हजार रुपैयाँ पुरस्कार पायो । गोदावरी नगरपालीका वडा नम्बर चार र बडीखेल शाखा डोजोको संयुक्त आयोजानमा सम्पन्न प्रतियोगितामा ५ स्वर्ण ४ रजत र ७ कास्य सहित ग्लोवल भिजन स्कलर स्कुल नागर्जून टिम दोश्रो भयो ।

उपविजयी टोलीले  १५ हजार रुपैयाँ पुरस्कार पायो । आयोजक बडीखेल डोजो ३ स्वर्ण ३ रजत र ७ कास्य सहित तेश्रो भयो । वडिखेल डोजोले  १० हजार रुपैयाँ पुरस्कार पायो । 

प्रतियोगितामा  त्यसैगरी नेपाल कराँते महासंघ अन्तर्गत रहेका विभिन्न राष्ट्रिय संघहरु खेलाडीहरु, विभिन्न जिल्ला तथा शाखा डोजोहरु गरि जम्मा ३ सय ७४ जना खेलाडीहरुको सहभागिता थियो ।

 प्रतियोगिताको पुरुषतर्फ गोदावरी डोजोका शुभ सिल्वाल र महिलातर्फ आयोजक बडीखेल डोजोका उर्शला पहरी सर्वोत्कृष्ट खेलाडी भए । उनीहरुले ३ हजार रुपैया पुरस्कार पाए । त्यसैगरी उदियमान खेलाडीमा महिलातर्फ सिन्धुपाल्चोकका ज्यानु तामाङ र पुरुष तर्फ हायासी हा सितोरियो कराँतेका मिलन तामाङ घोषित भए ।

उनीहरुले  २ हजार रुपैयाँ पुरस्कार पाए । प्रतियोगितामा अनुशासित टिम के जेट आई वादोरियो कराँते टिम बन्न सफल भएको छ ।

सोही अबसरमा आयोजित खुल्ला पुरुष किक बक्सिङ प्रतियोगितामा गोदावरी डोजोका सोनम थिङ तामाङले बडीखेल डोजोका  सुवास पहरीलाई फाइनलमा  पराजित गरि पहिलो भए  । सोनमले १० हजार तथा सुवासले ५ हजार रुपैयाँँ पुरस्कार पाए  ।

किक बक्सिङमा थानकोट डोजोका भिम शाक्य र महांकालका आयुस न्यौपाने तेश्रो भए । तेश्रो हुने खेलाडीले  २ हजार रुपैयाँ पुरस्कार पाए  ।

प्रतियोगितामा विजयी खेलाडीहरुलाई समापन समारोहका प्रमुख अतिथि प्रदेश नंम्बर ३ का सामाजिक विकास मन्त्री युवराज दुलाल, विशेष अतिथि प्रदेश शभा सांसद लालकुमारी पुन, नेपाल कराँते महासंघका केन्द्रीय सदस्य एवं अन्तरास्ट्रिय रेफ्री छत्र आले र  कराँते बरिस्ठ प्रशिक्षक मोहन महर्जन लगायतले पुरस्कार प्रदान गरे ।

कार्यक्रममा कोञ्ज्योसोम गाउपालिका अध्यक्ष गोपिलाल तामाङ,  गोदावरी नगरपालिकाका कानुनी सल्लाहकार गणेश आचार्य, गोदावरी नगरपालिका वडा नम्बर ६ का अध्यक्ष विष्णुमान महर्जन, नेकपा नेता पुरुषोत्तम आचार्य लगायत अतिथिहरुको पनि उपस्थिती थियो ।

प्रतियोगिता गोदावरी नगरपालिका वडा नं. ४ को वडाअध्यक्ष एवम् राष्ट्रिय खेलकुद परिषद्का पूर्व बोर्ड सदस्य मुकुन्द बहादुर प्रहरीको अध्यक्षतामा सम्पन्न भएको छ । आयोजक कमिटीका अध्यष महरीले खेलकुदको विकासका साथै वडाअध्यक्षहरुको एकता, सम्मान र पहिचानका लागि पनि प्रतियोगिता महत्वपूर्ण भएको बताए ।

प्रतियोगिता कराँते खेलका एशियन रेफ्री गंगालाल श्रेष्ठको रेफ्री संयोजकत्वमा सम्पन्न भएको कराते प्रशिक्षक तथा राष्ट्रिय निर्णायक चिन लामाले जानकारी दिए  ।