काठमाडौं । इन्डोनेसियामा गत साता सम्पन्न भएको आमनिर्वाचनको मत गणनाको क्रममा २ सय ७२ जनाको मृत्यु भएको छ ।
मत गणनाको क्रममा २ सय ७२ जना ओभर टाइमको बिरामीले मृत्यु भएको निर्वाचन आयोगका प्रवक्त आरिफ प्रियो सुसान्तोले बताए ।
मतपत्र हातले गन्नु परेकाले कर्मचारीहरु थाकेर बिरामी परे र २ सय ७२ जनाको मृत्यु भयो आयोगका प्रवक्त सुसान्तोले बताएका छन् ।
बीबीसीका अनुसार अझै १ हजार ८ सय ७८ जना कर्मचारीहरु बिरामी परेका छन् ।
आयोगका प्रवक्ता सुसान्तोका अनुसार ७ लाख जनाले मतगणना र निगरानीमा सहयोग गरेका थिए । उनीहरुले चर्को गर्मीमा रातभर काम गरेका थिए ।
इन्डोनेसियामा यही अप्रिलमा भएको निर्वाचनमा १९ करोड ३० लाख मतदाताले राष्ट्रपति चुनावको साथ–साथ स्थानीय चुनावमा भाग लिएका थिए भने ८ लाख मतदान केन्द्र तोकिएको थियो ।
निर्वाचन आयोगले मृत्यु भएकाका परिवारलाई २५ सय डलरको दरले राहत दिने जनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया