एजेन्सी । इंग्लिस प्रिमियर लिग फुटबल प्रतियोगिता अन्तर्गत म्यान्चेस्टर युनाइटेड र चेल्सीले बराबरी खेलेको छ ।
घरेलु मैदान ओल्ड ट्राफोर्डमा आइतवार राति सम्पन्न भएको खेलमा लिगको छैटो स्थानमा स्थानमा रहेको म्यान्चेस्टर युनाइटेडले चौथो स्थानमा रहेको चेल्सीसँग एक-एक गोलको बराबरी खेलेको हो ।
खेलमा अग्रता भने युनाइटेडले लिएको थियो । खेलको ११ औँ मिनेटमा युनाइटेडका लागि जुवान माटाले पहिलो गोल गर्दै क्लबलाई शुरुवाती अग्रता दिलाएका थिए । त्यस्तै ४३ औँ मिनेटमा चेल्सीका लागि मार्कुस अलन्सोले गोल गर्दै खेललाई एक-एक गोलको बराबरीमा ल्याए ।
प्रतिस्पर्धात्मक बनेको खेलको दोस्रो हाफमा दुवै टिमले पनि गोल गर्न सकेन र खेल एक-एक गोलको बराबरीमा सकियो । बराबरीपछि चेल्सीले ३६ खेलबाट ६८ अंक बनाएको छ भने म्यान्चेस्टर युनाइटेडको ६५ अंक छ ।
यो खबर पढेर तपाईलाई कस्तो महसुस भयो ?
प्रतिक्रिया