काठमाडौं । नेपाल बैंक लिमिटेडले दुई अर्ब २४ करोड ५५ लाख खुद मुनाफा गरेको छ ।
बैंकले आज ‘सोमवार’ चालु आर्थिक वर्षको तेस्रो त्रैमासको वित्तीय विवरण प्रकाशित गरी उक्त कुराको जानकारी दिएको हो ।
बैंकको चुक्ता पूँजी आठ ८ अर्ब चार करोड २६ लाखबाट बढेर नौ अर्ब अर्ब ८१ करोड ११ लाख पुगेको छ । बैंकले सो अवधिमा एक खर्ब पाँच अर्ब ६३ करोड निक्षेप सङ्कलन ८८ अर्ब १९ करोड १२ लाख ऋण प्रदान गरेको छ ।
विवरण अनुसार बैंकले रु चार अर्ब ७२ करोड ५२ लाख खुद ब्याज आम्दानी गरेको छ । बैंकको निष्क्रिय कर्जा अनुपात २ दशमलब ७१ प्रतिशत, कर्जा निक्षेप अनुपात ७४ दशमलब ३२ प्रतिशत, आधार ब्याजदर ६ दशमलब ९२ रहेको छ ।
विवरण अनुसार बैंकको प्रतिशेयर आम्दानी भने घटेको छ । गत आर्थिक वर्षको चैत मसान्तसम्ममा प्रतिशेयर आम्दानी ४२ रुपैयाँ ५७ पैसा रहेकोमा चालु आवको सोही अवधिमा भने प्रतिशेयर आम्दानी ३० रुपैयाँ ५२ पैसामा सिमित भएको छ ।
यो खबर पढेर तपाईलाई कस्तो महसुस भयो ?
प्रतिक्रिया