एजेन्सी । गत जनवरीमा विमान दुर्घटनामा निधन भएका कार्डिफ सिटीका फरवार्ड इमिलियानो सालाको तस्विर सामाजिक संजाल ट्वीटरमा पोष्ट गर्ने दुई व्यक्ति पक्राउ परेका छन् ।
इंग्ल्यान्डका प्रहरीले पोस्टमार्टमका लागि खिचिएको सालाको मृत शरीर ट्वीटरमा पोष्ट गरेको भन्दै एक महिला र एक पुरुषलाई पक्राउ गरेको छ । पक्राउ पर्ने ४८ बर्षीय महिला र ६२ बर्षीय पुरुष रहेक छन उनिहरुको पहिचान भने प्रहरीले खुलाएको छैन ।
प्रहरीले पोस्टमार्टमका लागि खिचेको तस्बिर कम्प्युटरबाट चोरी गर्दै सामाजिक संजालमा पोष्ट गरेको भन्दै विल्टशायरबाट दुई व्यक्तिलाई पक्राउ गरेको हो ।
२८ बर्षीय सालाको गत जनवरीमा विमान दुर्घटनामा निधन भएको थियो ।
साला फ्रेन्च क्लब नान्टेसबाट प्रिमियर लिग क्लब कार्डिफ सिटीमा महँगो मुल्यमा सरुवा भएका थिए । तर, कार्डिफतर्फ जाँदै गर्दा गत जनवरी २१ मा प्लेन दुर्घटना परेर सालाको निधन भएको थियो ।
साला चढेको विमान समुन्द्रमुनि दुर्घटना ग्रस्त अवस्थामा च्यानल आइसल्याण्डमा दुई सातापछि भेटिएको थियो ।
यो खबर पढेर तपाईलाई कस्तो महसुस भयो ?
प्रतिक्रिया