एजेन्सी । भारतमा जारी इण्डियन प्रिमियर लिग (आईपीएल) क्रिकेटमा आज बुधबार दिल्ली र चेन्नई बिच खेल हुँदैछ । आईपीएलमा बुधबार नेपाली राष्ट्रिय टोलीका लेग स्पिनर सन्दीप लामिछाने रहेको दिल्ली क्यापिटल्स र चेन्नई सुपर किंग्स बिच प्रतिस्पर्धा हुदैछ ।
चेन्नई सुपर किंग्सको घरेलु मैदानमा हुने दुई टोलीबीचको खेल राति ८–१५ मा शुरु हुनेछ । शीर्ष स्थानको दिल्लीको १२ खेलबाट १६ अंक रहेको छ । त्यस्तै यता चेन्नईको पनि १२ खेलबाट १६ अंक रहेको छ ।
चेन्नई नेट रन रेटमा दिल्लीभन्दा पछि छ । चेन्नईविरुद्ध दिल्लीले नेपाली लेग स्पिनर सन्दीपलाई मैदान उतार्ने सम्भावना रहेको छ । सन्दीपले यस सिजन ६ खेलमा ८ विकेट हात पारिसकेका छन् । चेन्नईका कप्तान महेन्द्र सिंह धोनी मैदान उत्रने सम्भावना अझै अन्योल रहेको छ । अस्वस्थ्यका कारण धोनी पछिल्लो खेलमा मैदान उत्रिएका थिएनन् ।
यो खबर पढेर तपाईलाई कस्तो महसुस भयो ?
प्रतिक्रिया