एजेन्सी । च्याम्पियन्स लिग फुटबलको सेमिफाइनलको पहिलो लेगके खेलमा एजाक्सले सनसनीपूर्ण जित हात पारेको छ ।
मंगलबार भएको खेलमा नेदरल्यान्ड्सको फुटबल क्लब एजाक्सले उसैको घरेलु मैदानमा इंग्लिस क्लब टोटनहृयामलाई १–० गोलअन्तरले पराजित गरेको छ ।
खेलको १५औं मिनेटमा भान डि विकेले गरेको गोल नै बिजई गोल बन्यो । उनकै गोलमा एजाक्सले सेमिफाइनलको पहिलो लेगमा टोटनहृयामलाई पराजित गरेको हो । पहिलो हाफमै अग्रता बनाएको एजाक्सले उत्कृष्ट प्रदर्शन गर्दै दोस्रो हाफमा पनि आफ्नो अग्रतालाई कायमै राख्न सफल भयो ।
क्वाटरफाइनलमा क्रिष्टियानो रोनाल्डो रहेको इटालियन टिम युभेन्टसलाई पराजित गर्दै सेमिफाइनलमा पुगेको एजाक्सले सेमिफाइनलको पहिलो लेगमा पनि दमदार प्रदर्शन गरेको हो ।
अब दोस्रो लेगमा पनि आफ्नो अग्रतालाई कायमै राख्न सके एजाक्स च्याम्पियन्स लिगको फाइनलमा प्रवेश गर्नेछ ।
यो खबर पढेर तपाईलाई कस्तो महसुस भयो ?
प्रतिक्रिया