साउथ सुपरस्टार : जो चलचित्रमा सफल भएर राजनीतिमा लागे

काठमाडौं । विश्वका धेरै सेलिब्रेटीहरु नाम कमाएपछि राजनीतिमा लाग्ने गरेको हामीले सुन्दै आएका छौँ । त्यसो त भारतका पनि कतिपय कलाकारहरु आफ्नो करियरमा सफल भएपछि राजनीतितिर लाग्ने गरेका छन् ।

दक्षिण भारतीय चलचित्रका सुपरस्टार थलापथी विजयबारे पनि केही समय अघिसम्म राजनीतिमा लाग्न लागेको चर्चा चलेको थियो । तर केही दिनअघि विजयले आफ्नो राजनीतिक दलको नाम नै सार्वजनिक गरेर सबैको अनुमानलाई सत्य सावित गरिदिएका छन् । उनी राजनीतिमा आउन लागेको चर्चा चलिरहेका बेला विजयले आफ्नो राजनीतिक दलको नाम तमिलगा वेत्री काझम रहेको बताएका थिए ।

अन्य अभिनेता जस्तै आफ्नो करियरमा सफल भएपछि राजनीतिमा लागे जस्तै उनले पनि सोही लय समातेका छन् ।

विजय राजनीतिमा प्रवेश गर्ने पहिलो साउथ सुपरस्टार भने होइनन् । को-को छन् त विजय जस्तै आफ्नो करियरमा सफल भएर राजनीतिमा प्रवेश गरेका ? उनीहरुको बारेमा जानकारी दिँदैछौँ ।

चिरन्जीवी

दक्षिण भारतीय चलचित्रमा आफ्नो छुट्टै पहिचान बनाउँदै राजनीतिमा लाग्ने सुपरस्टार हुन् चिरन्जीवी ।

उनले आफ्नो फिल्मी करियरमा पुनाधिरल्लुबाट अभिनेताको रूपमा सुरु गरेपनि उनको पहिलो रिलिज फिल्म प्रणाम खरिदु थियो । २००७ देखि २०१७ सम्म उनले कुनै पनि चलचित्रमा अभिनय गरेनन् । यही क्रममा उनले आफ्नो राजनीतिक करियर सुरु गरे । यद्यपि आफ्नो कार्यकालमा चिरञ्जीवीले मगधीरा र ब्रुुस्ली–द फाइटरमा दुई क्यामियो भूमिका खेले । २००८ मा उनले आन्ध्र प्रदेश राज्यमा प्रजा राज्यमा पार्टी खोलेर राजनीतिमा थप सक्रिय भएका थिए ।

तमिलनाडुकी दिवंगत मुख्यमन्त्री जयललिता

जयललिताले पनि सन् १९६१ देखि १९८० सम्मको अवधिमा १४० फिल्ममा अभिनय गरेर आफूलाई चलचित्र उद्योगमा सफल अभिनेत्रीको रूपमा स्थापित गरेपछि राजनीतिमा लागेकी थिइन्। उनी एक अभिनेत्रीको रूपमा मात्रै नभइ उनको बहुमुखी प्रतिभा र उनको नृत्य कौशलको लागि पनि चर्चित थिइन् । १९८२ मा जयललिता एमजी रामचन्द्रनद्वारा स्थापित पार्टी एआइएडीएमके मा सामेल भइन्, जो उनको बारम्बार सह–स्टार पनि थिए। १९९१ मा उनी तमिलनाडुको मुख्यमन्त्री समेत भइन् र सो पद धारण गर्ने सबैभन्दा कान्छी व्यक्ति थिइन् । ७५ दिनसम्म अस्पतालमा भर्ना भएपछि जयललिताको ५ डिसेम्बर २०१६ मा हृदयघातका कारण निधन भएको थियो ।

एमजीआर

एमजीआर रामचन्द्रन, जसलाई के. रामचन्द्रन भनेर चिनिन्छ । उनी एक प्रसिद्ध भारतीय अभिनेता र एक चलचित्र निर्माता थिए जो पछि राजनीतिज्ञ बने । उनले १९७७ देखि १९८७ सम्म १० वर्ष तमिलनाडुको मुख्यमन्त्रीको रूपमा सेवा गरे । उनलाई तमिलनाडुमा सांस्कृतिक प्रतिमा र तमिल फिल्म उद्योगका सबैभन्दा प्रभावशाली अभिनेताहरू मध्ये एक मानिन्थ्यो । उनी तमिलनाडुका जनतामा निकै लोकप्रिय थिए, उनलाई मक्कल थिलागाम भनिन्थ्यो, जसको अर्थ जनताको राजा हो ।

पवन कल्याण

कोनिडेला कल्याण बाबु, जो पवन कल्याण भनेर चिनिन्छन् । उनी एक भारतीय अभिनेता, निर्देशक, लेखक र राजनीतिज्ञ हुन्। उनी प्रसिद्ध अभिनेताबाट राजनीतिज्ञ बनेका चिरञ्जीवीका कान्छो भाइ हुन् । कल्याणले थोली प्रेमामा अभिनय गरे, जसले १९९८ मा तेलुगुमा उत्कृष्ट फिचर फिल्मको लागि प्रतिष्ठित राष्ट्रिय चलचित्र पुरस्कार जित्यो । उनी २०१३ को फोर्ब्स इन्डियाको शीर्ष १०० सेलिब्रेटीहरूको सूचीमा २६औँ स्थानमा थिए । सन् २०१४ मा उनले जनता सेना पार्टीबाट राजनीतिमा डेब्यु गरेका थिए ।

एनटी रामा राव

नन्दमुरी तारका रामा राव, एनटीआर भनेर चिनिन्छन् । उनी आफ्नो अभिनय करियर सुरु गरेसँगै कृष्ण र राम जस्ता हिन्दू देवताहरूको चित्रण गरेर प्रसिद्ध भए । सिनेमाभन्दा बाहिर एनटीआरले १९८२ मा तेलुगु देशम पार्टी (टीडीपी) स्थापना गरेर राजनीतिमा प्रवेश गरे । उनी तीन पटक आन्ध्र प्रदेशका मुख्यमन्त्री भए र दुवै क्षेत्रमा नमेटीने छाप छोडे । उनको योगदानका कारण उनी सन् १९६८ मा पद्मश्रीबाट सम्मानित भएको थिए । एनटीआरको विरासत एक सफल अभिनेता र राजनीतिज्ञको रूपमा चिनिन्छ।

कमल हसन

कमल हसन २०१८ मा आफ्नो पार्टी मक्कल निधि मैम एमएनएम स्थापना गरेर राजनीतिमा सामेल भए । उनी कोइम्बटूर दक्षिण निर्वाचन क्षेत्रबाट चुनाव लडे । तर, २०२१ को तमिलनाडु विधानसभा चुनावमा उनको बोली असफल भयो । कमल हासन फिल्म उद्योग र एमएनएम को अध्यक्षको रूपमा आफ्नो भूमिका दुवैमा संलग्न छन्।

विजयकान्त

विजयकान्त अभिनेता बनेर नेता बने । उनले २०११ देखि २०१६ सम्म तमिलनाडु विधानसभामा विपक्षी दलको नेताको रूपमा काम गरेका थिए । २००५ मा, देसिया मुरपोक्कु द्रविड कझगमको संस्थापक बने । सन् २०१६ मा चुनावी भाषणका क्रममा उनले आलोचनाको सामना गर्नुपरेको थियो । उनको हालै निधन भयो, जसले तमिलनाडुको राजनीतिमा एउटा अध्यायको अन्त्य गरेको छ ।