पन्जाब र कोलकत्ता मैदानमा उत्रिदै, ‘प्ले अफ’मा पुग्न जित नै विकल्प

एजेन्सी । भारतमा जारी इण्डियन प्रिमियर लिग (आईपीएल) क्रिकेटमा आज (शुक्रबार) किङ्गस इलाभेन पन्जाब र कोलकत्ता नाइट राईडर्स बीच प्रतिस्पर्धा हुँदैछ । पन्जाब र कोलकत्ता बीचको खेल बेलुका ८–१५ मा सुरु हुनेछ ।

चन्द्रीगढ स्थित बिन्द्रा क्रिकेट स्टेडियममा दुवै टोली जित निकाल्दै प्ले अफ पुग्ने लक्ष्य सहित मैदान उत्रने छन् । प्ले अफ पुग्न दुवै टिमको लागि महत्वपूर्ण रहेको यस खेलमा दुवै टिमलाई जित नै प्ले अफमा आफ्रनो स्थान बनाउने विकल्प रहेको छ । त्यसैले दुवै टोलीको लक्ष्य जित निकाल्नु रहेको छ ।

घरेलु टोली पन्जाब १२ खेलबाट १० अंक जोडेर पुछारबाट दोस्रो स्थानमा रहेको छ । त्यस्तै छैटौं स्थानमा रहेको कोलकत्ताको पनि १२ खेलबाट १० अंक जोड्न सफल रहेको छ ।