इजरायली सेनाद्वारा प्यालेस्टाइन क्षेत्रमा आक्रमण : १४ महिने शिशुसहित ४ को मृत्यु

काठमाडौं । इजरायली सेनाले प्यालेस्टाइन क्षेत्रमा आक्रमण गरेको छ । आक्रमणबाट १४ महिने शिशुसहित ४ जनाको मृत्यु भएको छ ।

चरमपन्थी समूहले २ सयभन्दा बढी रकेटबाट इजरायली क्षेत्रमा आक्रमण गरेपछि आफूले जवाफी कारबाही गरेको सेनाले जनाएको बीबीसीले उल्लेख गरेको छ । 

चरमपन्थी समूहले गरेको आक्रमणबाट तीन जना घाइते भएको सेनाको भनाइ छ ।

दक्षिण इजरायलमा रकेट आक्रमण हुन थालेपछि खतराको संकेतस्वरुप साइरन बजाइएको थियो । त्यसपछि स्थानीयवासीहरु लुक्नका लागि सुरक्षित स्थानतिर लागेका थिए । 

त्यस्तै गजापट्टीको सीमावर्ती इजरायलको क्षेत्रमा शनिवार भएको रकेट आक्रमणबाट धेरै घरहरुमा क्षति पुगेको बीबीसीले जनाएको छ ।