एजेन्सी । ला लिगा फुटबलको लिग च्याम्पियन बार्सिलोना गए राति भएको खेलमा सेल्टा भिगोसंग पराजित भएको छ ।
बार्सिलोनालाई घरेलु मैदानमा सेल्टा भिगोले २–० गोलको फराकिलो गोल अन्तरले हराएको हो । खेलको ६७ औ मिनेटमा म्याक्सी गोमेजले घरेलु टोलीलाई सुरुवाती अग्रता दिलाएका थिए । साथै खेलकोे ८८ औ मिनेटमा पेनाल्टीमा गोल गर्दै इगो एस्पासल जित निश्चित गरे ।
बार्सिलोनाले च्याम्पियन्स लिग फुटबलको सेमिफाइनलको दोस्रो लेगको खेलमा आगामी मंगलबार खेल्दैछ । बार्सिलोनाले लियोनल मेस्सी, जेरार्ड पिके र लुइस स्वारेज, इभान राकिटिक, सेर्जियो बुस्केट र जोर्डी अल्बालाइ आराम दिएको थियो ।
उक्त जितले सेल्टा भिगोलाई रेलिगेशन जोनबाट ५ अंकको अग्रता दिलाएको छ । शीर्ष स्थानको बार्सिलोनाको ३६ खेलबाट ८३ अंक छ । सेल्टा भिगो ४० अंक सहित तालिकाको १४ औ स्थानमा छ ।
शनिवार राति नै भएको खेलमा लेभान्तेले रायो भाल्लेकानोलाई ४-१ गोल अन्तरले, इस्पानियोलले एथ्लेटिको म्याड्रिडलाई ३-० गोल अन्तरले तथा रियल सोसिडाटले अल्भेसलाई १-० गोल अन्तरले पराजित ग-यो ।
यो खबर पढेर तपाईलाई कस्तो महसुस भयो ?
प्रतिक्रिया